Анатолій Балуценка
5169
НАВАЛЬНIЦА
Часта вясна сэрцу любая снiцца,
Подыхi цёплых вятроў,
Бо нечакана прыйшла навальнiца
I разбурыла любоў.
23.02.2001
5173
ПАПАРАЦЬ-КВЕТКА
Я чула аб дзiўнай, як цуд, асалодзе,
I ў нетры кахання зайшла,
Каб папапраць-кветку знайсцi пры нагодзе,
Спаткалась адна
крапiва.
23.02.2001
5182 ВОДАР
КАХАННЯ
Каханне пiлi з срэбраных крынiц,
I адчувалi дзiўны смак малiны,
Цудоўны водар чэрвеньскiх сунiц
Знiк, бо няма яго у журавiны.
24.02.2001
5189
ЧАРОМХАВЫ ХОЛАД
Бэз адцвёў, чаромха халадзiла,
Сэрца знемагае ад тугi,
Бо сваё каханне я згубiла,
Цвет яго зламаў сабе другi.
26.02.2001
5213 КАСЦЁР
КАХАННЯ
Каханне урок дасць суровы
Цi ўзнёсласць ўздымае душу,
Ў кастры яго добрыя дровы
Або абэрэмак лаўжу.
1.03.2001
5218
ГАЛАВЕШКА
Пагасла вогнiшча, ды галавешка тлее,
Нястрымна толькi без агню чадзiць,
Але яна выдатна полымем сагрэе,
Старанна як яе паварушыць.
2.03.2001
5228 АЗБУКА
ЛЮБВI
Аднолькавая азбука любвi,
Ды iншую цяпер цалуе першы,
З другiм паўторна азбуку прайшлi,
Ён пiша прозу, дзе складалiсь вершы.
4.03.2001
5239 ЛЮБЫ
ШЛЯХ
Шлях скончыўся для сэрца дарагi,
Ён быў жаданы i бясконца любы.
Засыпала мяцелiца шляхi,
Як выбраць той, што не вядзе да згубы?
6.03.2001
5243 КВЕТКI
ЦНОТЫ
Шукаў лугi ў цудоўных кветках цноты,
Але вакол пейзаж зусiм другi:
Нялюбыя смярдючыя балоты,
Цi бiтыя, аж пыл iдзе, шляхi.
6.03.2001
5244 ЗОРАЧКА
Зорачка, любая, мiлая
Вабiла цудам здалёк,
Доля прыйшла нешчаслiвая,
Нiшчыць агнём незнарок.
6.03.2001
5250
МАГУТНАЕ I МОЦНАЕ
Ўсё слабае зрастае i сталее,
Але, калi праходзiць шмат гадоў,
Магутнае i моцнае слабее,
Ржавее сталь, сяброўства i любоў.
8.03.2001
5258 ЗНЯВАГА
Душа пакутуе ад жорсткай знявагi,
Ад горкiх няправедных слоў,
Ды горай, калi не звяртае увагi
Каханы зусiм на любоў.
9.03.2001
5268 ТУМАНЫ
Шукаю адзiны шлях сэрцу жаданы,
Каб шчасце i радасць знайсцi,
Але замiнаюць бясконца туманы,
Iх нельга нiяк абысцi.
11.03.2001
5296
ПОДЛАСЦЬ
Жыццёвы шлях у нетрах заблукаў,
Ды неабходна разысцiся годна,
Кахаў, ды вельмi подла ашукаў,
Хай ненавiдзiць лепш высакародна.
15.03.2001
5300 СВЕТЛЫЯ
СНЫ
Вясна – пара надзей i светлых сноў,
Але чаму прыходзiць хутка восень?
Хацела мець яскравую любоў,
Ды хмары затулiлi ў душы просiнь.
15.03.2001
5326 ЛЕПЕЙ
СЕРАБРО
Калi на медзi пазалота,
Здалёк здаецца, што дабро,
Каханне пройдзе i пяшчота.
Мо лепей выбраць серабро?
18.03.2001
5338 ЗЗЯЛI
ЗОРАЧКI
Ззялi зорачкi ўначы,
Слалася калоссе,
Ды каханне зберагчы
Мне не удалося.
20.03.2001
5339 УРОК
КАХАННЯ
Каханне вельмi жорсткi дасць урок,
Ды сэрца прагна ў другi раз кахае,
Так да святла iмкнецца матылёк,
Хоць полымем i крылы абпякае.
20.03.2001
5362 МIЖ
КРЫГ
Хiсткi човен у кахання,
Бо вяслуюць удваiх,
Здатны даць расчараванне,
Калi шлях iдзе мiж крыг.
25.03.2001
5370 ТОЛЬКI
ПОПЕЛ
Хоць полымя i грэе, i натхняе,
Ля вогнiшча пабыць прыемна зноў,
Ды з часам толькi попел пакiдае,
Як полымя, гарачая любоў.
26.03.2001
5373 ЛIСТЫ
КАХАННЯ
На душы цяпер спакой i цiша,
Хваляваў раней, як бура, ты,
Полымя лiсты кахання лiжа,
Любыя, пяшчотныя лiсты.
27.03.2001
5374 НIБЫ
ЛЕТУЦЕННЕ
Спее непаметна за iмгненне,
Не пабачыць i не патрымаць,
Ды каханне, нiбы летуценне,
Здатна непаметна i знiкаць.
27.03.2001
5375 НЕ
ГАРАЧЭЙ
Даўно прайшлi часы лучыны,
Ёсць электрычнасць для начэй,
Не печы грэюць, а камiны,
Ды не кахаем гарачэй.
27.03.2001
5410 «НЕ» ЦI
«ТАК»?
Як «Не» казаць, крок, мабыць, да бяды,
Пытанне можа больш не паўтарыцца,
Не выпадае «Так» казаць заўжды,
Бо можна непапраўна памылiцца.
1.04.2001
5417
АПТЫМАЛЬНЫ ШАНС
Каханне ўсiм без перашкоды
Дае свой аптымальны шанс,
Ды шчасце маюць не заўсёды,
Бо лiчаць – толькі быў аванс.
1.04.2001
5450
ВЫПРАБАВАННЕ
Заўсёды лёс дае выпрабаванне,
Бо шчасце здабываюць ў барацьбе.
Адбудзецца пяшчотнае каханне
Або, як быццам, не было цябе?
4.04.2001
5462 ЦЯЖКIЯ
ПЫТАННI
Жыццё ставiць цяжкiя пытаннi,
I на iх няпроста даць адказ,
Ўсе яны – пра вады у каханнi,
Ды кахаць нiхто не вучыць нас.
6.04.2001
5487
ПАВУЦIНКА
Заўжды здараецца замiнка,
Як на прыкмеце любых шмат,
Каханне – нiбы павуцiнка.
А як зрабiць з яе канат?
10.04.2001
5552
ЗАПЫТАННЕ
Каб не мець расчаравання,
Боль душы не адчуваць,
Лепш адкрыта пра каханне
Прыгажуню запытаць.
17.04.2001
5560 СЛАБАЯ
ЛЮБОЎ
Вабiць дуб, ён статны i высокi,
Але многа пыхi у дубоў,
Да яго зрабiць iмкнуцца крокi,
Таму ў яго слабая любоў.
18.04.2001
5563
ПРЫЗЕМЛЕНАЯ ЛЮБОЎ
Ад воблака узнёсласць, не ад хмары,
Бо пойдзе дождж, вада збяжыць у роў,
Заўсёды не такая, як у мары,
Прыземлена ў сапраўднасцi любоў.
18.04.2001
5567
ПУСТАЦВЕТ
Вясна падарыла каханне i летам
Чакала салодкiх пладоў,
Але апынулась яно пустацветам,
З падманных складалася слоў.
19.04.2001
5585 ЦЯЖКI
ВЫБАР
Разбеглiся ва ўсе бакi дарогi,
I цяжкi выбар мучыць зноў i зноў.
Не ведаю, дзе горкiя трывогi,
А дзе чакае палкая любоў?
20.04.2001
5595 ЦЕНЬ НА ДУШЫ
На душу ляглi густыя ценi,
Хоць буяе кветкамi вясна,
П'ю тугу пакуты, тым не меней,
Бо ў каханнi чорная мана.
21.04.2001
5602 ПЛАТА
ЗА ДАБРЫНЮ
Была вясна, i яблыня кахала,
Увосень аж згiналась ад пладоў,
Але бяду за дабрыню спаткала:
Ад перагрузкi расшчапiўся ствол.
22.04.2001
5605 БУКЕТ
ЖЫЦЦЯ
Не пазнаць ў бутоне прыгажосцi,
Як яшчэ ён не пачаў цвiсцi.
Кветка дабрынi цi кветка злосцi
Можа у букет жыцця ўвайсцi?
22.04.2001
5609 ЧАРОЎНЫ
АКIЯН
Прыйдзе час, адкрыецца прастора
Ў радасны чароўны акiян,
Ён дасць змогу зведаць вельмi скора,
Што каханне – здрада i падман.
24.04.2001
5617 ЛЮБОЎ У НЕПАГАДЗЬ
Дождж iшоў на белае суквецце,
Хмары насувалiсь зноў i зноў,
А пасля зрываў пялёсткi вецер,
Кепская у непагадзь любоў.
25.04.2001
5645 ЦАНА
КАХАННЮ
Саспеюць цi не плады дзiўныя летам?
Раскiнула кветкi вясна.
Цi цвет упадзе на зямлю пустацветам?
Якая каханню цана?
29.04.2001
5650 ПАМЫЛКА Ў КАХАННI
Памылак шмат ў дыктантах i ў жыццi,
Ў двух соснах часам доўжацца блуканнi,
Ды можна цяжкi лёс сабе знайсцi,
Калi памылка стрэнецца ў
каханнi.
30.04.2001
5674 ШЛЯХI
КАХАННЯ
Фiяска здарылась ў каханнi,
Але успамiн дарагi,
Сустрэлiся на скрыжаваннi
I зноў разышлiся шляхi.
3.05.2001
5711 ГОДЗЕ
Штогод квiтнела яблынька, ды годзе,
Няма на ёй нi кветак, нi лiсткоў,
Заўсёды так здараецца ў прыродзе:
Сканчаецца i палкая любоў.
7.05.2001
5724
ВЯСНОВАЕ КАХАННЕ
Вясной здавалась рэчка морам,
Але ў душу прыйшоў адчай,
Вясновае каханне з горам,
Бо мора стала, як ручай.
9.05.2001
5755 СЭРЦА
ЗАКАХАНЫХ
Хоць ведаюць, што скончыцца паганым,
Бо прыклады падставы не даюць,
Непадуладна сэрца закаханым,
Замужжа клiча, i таму iдуць.
14.05.2001
5768 ЧАС
ЗАВЯДАННЯ
Вясна падарыла каханне,
Ўраз лета пранеслась затым,
Яно ў смутны час завядання
Спадае лiстом залатым.
15.05.2001
5772 КВЕТКI
КАХАННЯ
Цвiтуць амаль бясконца кветкi ружы,
I на купалле папараць ўначы,
Адных каханне безупынна кружыць,
Другiм яго нiяк не зберагчы.
16.05.2001
5775 СНЕГ ЦВЕТУ
Вясновы час ураз прабег,
Яго не звяжаш ланцугамi,
Душа балiць, бо цвету снег
Ляжыць, як смецце, пад нагамi.
17.05.2001
5799
ПАХМУРНАЯ ДУША
Сеткаю вiсiць iмжа,
Ветру завыванне,
Стала пахмурнай душа,
Скончылась каханне.
19.05.2001
5826
СКРЫЖАВАННЕ
Выйшла я на скрыжаванне,
Выбраць не магу:
Стрэну дзе сваё каханне,
Дзе знайду тугу?
24.05.2001
5867 ЧЫСТЫ
ГУК
Гучыць ў душы чароўная струна,
Ёй чысты гук дае заўжды каханне,
Ды з часам рвецца цi хлусiць яна,
Нязванае прыйдзе расчараванне.
30.05.2001
5886 ШЛЯХ
КАХАННЯ
Заўжды сканчаюцца калiсьцi ўсе шляхi,
Такi канец любога пачынання,
Шкада, як скончыцца для сэрца дарагi
Цудоўны, як вясёлка, шлях кахання.
1.06.2001
5915
СПАДЗЯВАННЕ
Заўжды на шчасце спадзяванне
Здаецца скарбам залатым,
Калi няспелае каханне,
Яно развеецца, як дым.
4.06.2001
5936 КВЕТКI
КАХАННЯ
Калi няма дажджу – ў тузе палеткi,
Знiкае з iх чароўная краса,
Зусiм не ссохлi каб кахання кветкi,
Хай часам выпадае хоць раса.
7.06.2001
5961 ПАВУЦIНКА
I ў моцнага кахання ёсць замiнка,
Ды ад яе пазбаўлюся наўрад,
Прыцягвае яно, як павуцiнка,
Лепш каб цягнула моцна, як канат.
11.06.2001