Анатолій Балуценка
5333 ВЯСНОВЫ НЕСПАКОЙ
Вяртаюцца буслы i гусi,
Вясновы у iх неспакой,
Прайшла зiма доўгая ў скрусе.
Мо стрэну каханне вясной?
20.03.2001
5441 ЧОВЕН ТУГI
Човен горкай i цяжкай тугi
Да прычала ганю, што ёсць
сiлы,
Ўсё далей i далей берагi,
А на беразе дзесьцi мой мiлы.
4.04.2001
5459
IСКРЫНАЧКА
Гарыць iскрыначка пачуцця,
Але аб полыме тужу,
Бо цеплыню хачу адчуць я,
Каб грэла вогнiшча душу.
6.04.2001
5467 АДНА
Хоць i сямiструнная гiтара,
Але ёсць любiмая струна,
Шмат жанчын, ды каб стварылась пара,
Трэба, каб сказала «Так» адна.
7.04.2001
5478 ЛЮБЫ
ЛЁС
Сячэ пад корань любы лёс сякера,
Нарыхтаваць з яго каб болей дроў,
Ды ёсць надзея, што не знiкне вера,
I вернецца жаданая любоў.
8.04.2001
5485 ПЛЫНЬ
КАХАННЯ
Як паводка – плынь кахання,
Бо здараецца вясной.
Дачакаюся прызнання
Або быць далей адной?
10.04.2001
5521
ЦУДОЎНАЯ ЗНАХОДКА
Вясна падымае у грудзях паводку,
I музыка льецца без слоў,
Цудоўную даць яна ў змозе знаходку,
Якая завецца любоў.
14.04.2001
5522 ДЗIЎНЫ
ЦУД
Каханне блукае далёка ў
дарозе,
Душу можа з часам сагрэць,
Але уварвацца у сэрца не ў змозе,
Калi дзiўны цуд не сустрэць.
14.04.2001
5541 ДАЛЁКI
ВЫНIК
Вядуць ў невядомасць жыццёвыя крокi,
Таму кожны цяжка ступiць.
Цi можа шчаслiвым быць вынiк далёкi,
Цi будзе адвечна любiць?
16.04.2001
5555 «ТАК»
Была зiма, ты мне казала «Не»,
I моцнай сцюжай веяла у грудзi,
Ды хутка ўжо вясна цяплом дыхне,
I можа «Так» гучаць цудоўна будзе.
17.04.2001
5568 СЦЮЖА
Абрыдла душы ад дакучлiвай сцюжы,
Ўвесь час абмiнае любоў,
Квiтнець можа хутка ў душы будуць ружы
Ад цёплых вясновых вятроў.
19.04.2001
5635 ЧАКАЮ
Мая душа напоўнiлась пяшчотай,
I грэе, нiбы сонейка, яе.
Чакаю з нецярпеннем i турботай,
Цi сонейка тваю душу кране.?
28.04.2001
5649 НАДЗЕЯ
НА КАХАННЕ
Бясконца вабiць ўсё, чаго няма,
Хоць час змяншае моцнае жаданне,
Iдзе ў душу суровая зiма,
Не скончыцца надзея на каханне.
30.04.2001
5657 КРЫЛЫ
КАХАННЯ
То ўсмешкай ласкавай запалiш надзею,
То позiрк халодны, як лёд,
На крылах кахання я лётаць умею.
Цi будзе сумесным палёт?
1.05.2001
5665
ЧАРОЎНАЯ ВЯСНА
Склаў стрэлы у калчан Амур зарана,
Лук расчахлiць яго я папрашу,
Чароўная вясна мне нечакана
Каханнем растрывожыла душу.
2.05.2001
5668 МУЧЫЦЬ
ПРАГА
Iдуць дажджы бясконцыя ўвесь час,
Размокла глеба i абрыдла слота,
Любоўны дождж прайшоў хаця бы раз,
Бо мучыць прага, вiльгацi ахвота.
2.05.2001
5687 ЯБЛЫНI
ЦВIТУЦЬ
I яблынi цвiтуць, i сонца ззяе,
Блакiт навокал i снягi садоў,
Вясна умовы для душы стварае,
Каб i яе адзначыла любоў.
5.05.2001
5782 СЦЕЖКА
КАХАННЯ
Да шчасця сцежка або да бяды?
Iду, але наперад невядома,
Якiм каханне будзе праз гады.
Цi радасць прыйдзе, цi ад смутку стома?
18.05.2001
5783
УСПРЫМАННЕ
Вясна змяняе цалкам успрыманне,
Мiнуў час горкi студзеньскiх завей,
Чакаю з нецярплiвасцю каханне,
Спявае певень, нiбы салавей.
18.05.2001
5821 КЛЕЙ
КАХАННЯ
Лёс раскалоўся на кавалкi
Ад доўгiх студзеньскiх завей,
Знайду вясною для папраўкi
Пяшчотнага кахання клей.
23.05.2001
5854 МАРЫ I
ЯВА
Не даюць спакою мары,
Ў марах – рыцар малады,
Вiртуальныя пажары
Ява гасiць без вады.
29.05.2001
5889 ВЫТОК
Ласкавы позiрк i усмешка, нiбы сонца,
Пяшчотных нават не патрэбна слоў,
Заўжды цяплом душу ахутваюць да донца,
Яны – выток, з яго плыве любоў.
2.06.2001
5945 ВЕТРАЗI
КАХАННЯ
Шчасце дорыць шчодрая вясна,
Ветразi кахання напiнае,
Ды пад воднай гладдзю мелiна
На яго надзей не пакiдае.
9.06.2001
5947 РЫСЫ
КАХАНАЙ
Краса душы i прыгажосць на твары,
Ды вабны стану тонкага абрыс,
Каханую ствараю сабе ў мары,
Сатканую з цудоўных светлых рыс.
9.06.2001
5958 САГРЭЦЬ
ДУШУ
Хай лепш песнi спявае сiнiца,
I сагрэе душу спакваля,
Бо балотам стаць можа крынiца,
Як чакаць ўсё жыццё жураўля.
11.06.2001
5960
СЦЯЖЫНКI КАХАННЯ
Калi яшчэ наперадзе дажынкi,
Заўжды надзея ёсць на ураджай,
Кахання непачатага сцяжынкi
Вядуць упарта толькi ў дзiўны рай.
11.06.2001
5966 НОВАЕ
КАХАННЕ
Мiнулага кахання боль нашу,
Было нядобрым вельмi развiтанне,
Ачысцiць ў змозе ад пакут
душу
Не слёз паток, а новае каханне.
11.06.2001
5994 ХОЧАЦЦА
КАХАННЯ
Як хлеба, хочацца кахання,
Душы пяшчотнай i рукi,
Змарылась цяжка ад чакання,
Пакуль яшчэ няма мукi.
15.06.2001